+30 °С
Болотло
Тәбиғәт һәм беҙ
16 Ноябрь 2023, 07:57
Республикала -13 градусҡаса һыуыта
Алдағы өс көндә Башҡортостанда бер аҙ ҡар яуыуы көтөлә, тип хәбәр итте республика синоптиктары.
Республикала -13 градусҡаса һыуыта
Башгидромет мәғлүмәттәре буйынса, бөгөн республикала бер аҙ ҡарлы ямғыр фаразлана. Ел көньяҡ-көнбайыштан талғын. Һауа температураһы төндә һәм көндөҙ -2, +3 градус.
17 ноябрҙә бер аҙ епшек ҡар яуыуы, урыны менән сымдарға һәм ағастарға епшек ҡар һырыуы көтөлә. Ел көньяҡтан, йүнәлешен төньяҡҡа үҙгәртеп талғын. Һауа температураһы төндә һәм көндөҙ -3, +2 градус.
18 ноябрҙә Башҡортостанда урыны менән бер аҙ ҡар яуа, юлдарҙа боҙлауыҡ. Ел төньяҡтан, төньяҡ-көнбайыштан талғын. Һауа температураһы төндә -3, -8 градус, аяҙытҡанда -13 градусҡаса һыуыта. Көндөҙ -1, -6 градус.
https://bash.bashinform.ru/news/social/2023-11-16/respublikala-13-gradus-asa-yuyta-3523404
