Башҡортостанда һауа торошоноң боҙолоуы фаразлана

Башгидромет мәғлүмәттәре буйынса, бөгөн республикала ҡыҫҡа ваҡытлы ямғыр, урыны менән көслө ҡойма ямғыр, күк күкрәүе көтөлә. Ел төньяҡтан талғын, урыны менән көсәйеүсән. Һауа температураһы көндөҙ +15, +20°.

Шәмбе, 29 июндә, шулай уҡ ямғыр, урыны менән көслө ямғыр, йәшен, көньяҡ-көнсығышта ҡойма ямғыр фаразлана, төньяҡ-көнбайыш райондарҙа яуым-төшөм көтөлмәй. Ел төньяҡтан талғын, урыны менән көсәйеүсән. Һауа температураһы төндә +8, +13°, көндөҙ +12, +17°.

Йәкшәмбе, 30 июндә, урыны менән ҡыҫҡа ваҡытлы ямғыр яуыуы ихтимал. Ел төньяҡтан талғын, урыны менән көсәйеүсән. Һауа температураһы төндә +6, +11°, көндөҙ +16, +21°.

https://bash.bashinform.ru/news/social/2024-06-28/bash-ortostanda-aua-toroshono-bo-olouy-farazlana-3827187