+20 °С
Болотло
Тәбиғәт һәм беҙ
12 Декабрь 2024, 11:32
Башҡортостанда көслө ҡар яуыуы һәм буран сығыуы көтөлә
Башҡортостан буйынса Ғәҙәттән тыш хәлдәр министрлығы сайтында хәбәр ителеүенсә, 13 декабрҙә республикала төндә көслө ҡар яуыуы, буран сығыуы, боҙлауыҡ, тимер сымдарға һәм ағастарға епшек ҡар һырыуы, юлдарҙа ҡар һырынтылары көтөлә.
Башҡортостанда көслө ҡар яуыуы һәм буран сығыуы көтөлә
Елдең тиҙлеге секундына 15-20 метрға етеүе ихтимал. Ҡар яуғанда һәм буран ваҡытында автомобиль юлдарында 500 метрҙан күреү мөмкинлеге кәмей.
Башҡортостан буйынса Ғәҙәттән тыш хәлдәр министрлығында водителдәргә хәүефһеҙ йөрөү ҡағиҙәләре тураһында иҫкә төшөрә: фараларҙы ҡабыҙырға, тиҙлек режимын үтәргә, автомобилдәр араһында араны тоторға, телефонға иғтибарҙы йүнәлтмәҫкә, киҫкен маневр яһамаҫҡа.
Юлдарҙа һаҡ булығыҙ, үҙегеҙҙе һәм яҡындарығыҙҙы һаҡлағыҙ!
