Башҡортостанда епшек ҡар, боҙлауыҡ, көслө ел фаразлана

Шәмбе, 22 мартта, урыны менән бер аҙ епшек ҡар яуыуы, төньяҡтан айырым райондарҙа боҙлауыҡ, сымдарға һәм ағастарға епшек ҡар һырыуы фаразлана. Ел көнбайыштан, урыны менән көсәйеүсән. Һауа температураһы төндә -3, -8°, көндөҙ 0, +5°.

Йәкшәмбе, 23 мартта, төндә урыны менән бер аҙ епшек ҡар яуыуы көтөлә, көндөҙ яуым-төшөмһөҙ. Ел көнбайыштан, урыны менән көсәйеүсән. Һауа температураһы төндә -3, -8°, аяҙытҡанда -13° тиклем, көндөҙ +1, +6°.

 Юлдарҙа водителдәргә һәм йәйәүлеләргә айырыуса һаҡ булырға кәрәк, тиҙлек режимын һәм арауыҡты һаҡларға кәңәш итәләр.