Башҡортостанда алдағы ике көндә эҫе һауа торошо көтөлә

Бөгөн, 11 июндә, көндөҙ урыны менән йәшенләп ҡыҫҡа ваҡытлы ямғыр яуыуы мөмкин. Ел көнсығыштан, көньяҡ-көнсығыштан талғын, йәшен ваҡытында көслө. Көндөҙ һауа температураһы +27, +32 градус.

Иртәгә, 12 июндә, урыны менән йәшенле ҡыҫҡа ваҡытлы ямғыр, көндөҙ урыны менән ҡойма ямғыр һәм боҙ-борсаҡ. Ел көньяҡтан, көньяҡ-көнсығыштан, талғын, көндөҙ урыны менән көслө. Төндә температура +13, +18 градус, көндөҙ иһә +26, +31 градусҡаса күтәрелә.