Республикала һыуыҡтар сигенмәй

Башҡортостандың Ғәҙәттән тыш хәлдәр министрлығы иҫкәртә.

"Алдағы тәүлектә аяҙлы-болотло булыуы фаразлана. Яуым-төшөмһөҙ. Ел төньяҡ-көнбайыштан,көньяҡ-көнбайышҡа табан секундына 8-13 метр тиҙлектә иҫә. Һауа температураһы төндә -25, -30°, урыны менән -35° тиклем,көндөҙ -14, -19°.

Юлдарҙың айырым участкаларында төндә һәм иртән томан, күреү мөмкинлеге 2-4 саҡрым», — тиелә ведомство белдереүендә.

Халыҡҡа тәҡдим ителә:

- мөмкин тиклем урамда булыу ваҡытын ҡыҫҡартырға;

- һыуыҡҡа сығыр алдынан алкоголь ҡулланмағыҙ;

- балаларҙы һәм оло йәштәгеләрҙе иғтибар менән күҙәтеү;

- автомобилдә йөрөгәндә үҙең менән йылы әйберҙәр, ҡайнар сәй менән термос һәм зарядлы телефон алырға.

- янғын хәүефһеҙлеге ҡағиҙәләрен үтәгеҙ.

Иҫегеҙҙә тотоғоҙ, көслө һыуыҡта тән һыуыныу хәүефе арта. Һыуыҡ тейеү билдәләре булғанда йылы бүлмәгә мөмкин тиклем тиҙерәк инеп, йылынырға кәрәк.

Ғәҙәттән тыш хәл килеп тыуғанда 112-се номерға шылтыратығыҙ.

Һылтанма.