Йорт яны биләмәләре төҙөкләндерелә

Фекер алышыуҙың төп темаһы йорт яны биләмәләрен төҙөкләндереү булды. Ҡала халҡының күпселеге балалар һәм спорт майҙансыҡтарын яңыртырға теләк белдерә. Башҡортостан Республикаһы бюджетынан бүленгән финанслау арҡаһында был проектты тормошҡа ашырыу мөмкин булды. Этаплап эш итергә килештек: тәүҙә проект һәм смета әҙерләйәсәктәр, уларҙы халыҡ менән килешеп, шунан һуң ғына эшкә тотонасаҡтар. Объекттарҙы ҡабул итеүҙе йәшәүселәр үҙҙәре лә тормошҡа ашырасаҡ. Бынан тыш, осрашыу барышында граждандарҙың башҡа мөрәжәғәттәре теркәлде һәм хәл итергә алынды. Был хаҡта үҙенең сәхифәләрендә депутат Игорь Сыров яҙып сыҡты.