Махсус хәрби операцияла ҡатнашыусыларға яңы ярҙам саралары булдырылды

Яңы ярҙам саралары исемлеге:

-коммуналь хеҙмәттәр өсөн ваҡытында түләмәгән осраҡта пеняларҙан азат итеү;

-грант алған осраҡта эшмәкәрлектең план күрһәткестәрен үтәмәгән өсөн яуаплылыҡтан азат итеү;

-«Башҡортостан Республикаһының ауыл биләмәләрен комплекслы үҫтереү» программаһында ҡатнашыусыларға торлаҡ шарттарын яҡшыртыу өсөн социаль түләүҙәр биреү;

-балаларын йәшәү урынына яҡын урынлашҡан балалар баҡсаһына күсергәндә өҫтөнлөклө хоҡуҡ биреү;

-физкультура-спорт ойошмаларына беренсе сиратта уларҙы ҡабул итеү хоҡуғы;

-мәҙәниәт ойошмаларына ташлама менән йөрөү.

МХО-ла ҡатнашыусының ғаилә ағзаһы иҫәбенә инә:

- уның менән законлы никахта торған ҡатыны (ире);

- хеҙмәткә яраҡһыҙ йәштәге ата-әсәһе (йәки уллыҡҡа алыусылары);

- ата-әсәһе булмау сәбәпле, уны кәмендә өс йыл тәрбиәләгән һәм (йәки) ҡараған хеҙмәткә яраҡһыҙ йәштәге олатаһы һәм (йәки) өләсәһе;

- уны кәмендә биш йыл тәрбиәләгән һәм (йәки) ҡараған хеҙмәткә яраҡһыҙ йәштәге үгәй атаһы һәм (йәки) үгәй әсәһе;

- бәлиғ булмаған балалары;

- 18 йәше тулғансы инвалид булған 18 йәштән өлкән балалары;

- белем биреү ойошмаһында көндөҙгө бүлектә уҡыған 23 йәшкә тиклемге балалары.