+30 °С
Болотло
Йәмғиәт
22 Ноябрь 2023, 07:00
Башҡортостан Башлығына һорауҙарығыҙ бармы?
29 ноябрь киске сәғәт 7-лә Башҡортостан Башлығы Радий Хәбиров менән “Тура бәйләнеш” ойошторола. Бөгөндән тура бәйләнеш башланғанға тиклем республика халҡы социаль селтәрҙәрҙә төбәк етәксеһенә үҙҙәрен борсоған һорауҙарын бирә ала.
Башҡортостан Башлығына һорауҙарығыҙ бармы?
Видеоһорауҙарҙы 28 ноябргәсә республика етәк-сеһенең рәсми сайтына һалырға мөмкин, социаль селтәрҙәрҙә һорауҙар тура бәйләнеш башланғансы һәм хатта тура эфир барышында ла ҡабул ителә.
Радий Хәбировтың “Тура бәйләнеш”енә ике ысул менән мөрәжәғәт итергә мөмкин:
– социаль селтәрҙә, Радий Хәбировтың “ВКонтакте” һәм “Одноклассники” селтәрҙәрендәге яҙмаларына комментарий ҡалдырырға.
– республика етәксеһенең рәсми сайтында. Бының өсөн видеоһорауҙы махсус бүлеккә урынлаштырырға кәрәк.
Әгәр социаль селтәрҙәр аша һорауҙар өсөн бер ниндәй ҙә яуап булмаһа, видеоһорау ебәреү өсөн:
– Дәүләт хеҙмәттәре сайтында авторизация үтергә, иҫәп яҙмаһын актуалләштерергә;
– Башҡортостан Республикаһы Башлығы сайтына инеп, сайттың төп битендә “Госуслуги. Решаем вместе” виджетын табырға;
– “Госуслуги. Решаем вместе” виджетында “Сообщить о проблеме” пунктын һайларға;
– асылған форма аша видеоны беркетергә;
– махсус бүлекте табып, тейешле юлдарҙы тултырырға;
– видеоһорауҙы урынлаштырырға кәрәк.
