Башҡортостан махсус хәрби операция яугирҙәренә лайыҡлы ярҙам күрһәтә – республика Башлығы кәңәшсеһе

«Республика 20-гә яҡын подразделение төҙөнө, хәҙер улар махсус хәрби операцияла ҡатнаша. «Башҡортостан» полкы, исемле батальондар, роталар. Республика яғынан яугирҙәребеҙгә ныҡлы ярҙам күрһәтелә. Башҡортостан президент ҡуйған бурысты лайыҡлы үтәй тип иҫәпләйем. Республикабыҙҙа йәшәүселәр электән үк ҡыйыу рәүештә Ватан һағына баҫҡан һәм бөгөн беҙ ирекле батальондар сафына инергә теләүселәрҙең күплеген күрәбеҙ. Улар Беҙҙең Башлыҡтың, тотош республиканың мөнәсәбәтен күрә. Беҙҙә яугирҙәргә, уларҙың ғаиләләренә төрлө яҡлап ярҙам күрһәтелә. Ошо йәһәттән беҙ беренсе тип иҫәпләйем. Алып барылған эш йәмғиәтебеҙҙең, йәштәрҙең илһөйәрлек рухына ғәйәт ҙур йоғонто яһай», - тип һөйләне «Башинформ»ға Валентин Солодовник.

https://bash.bashinform.ru/news/social/2023-12-04/bash-ortostan-mahsus-h-rbi-operatsiya-yaugir-ren-layy-ly-yar-am-k-r-t-respublika-bashly-y-k-shse-e-3548334