+30 °С
Болотло
Йәмғиәт
27 Декабрь 2023, 16:06
Өфөлә яңы йыл каникулдары осоронда юғары әҙерлек режимы индерелә
Өфөлә 30 декабрҙән 2024 йылдың 8 ғинуарына тиклем юғары әҙерлек режимы индерелә. Яңы йыл каникулдары алдынан баш ҡала мэрияһында ғәҙәттән тыш хәлдәрҙе иҫкәртеү һәм бөтөрөү буйынса комиссия ултырышы уҙҙы. Өфө хакимиәте һәм бөтә хеҙмәттәр тотороҡло эшләргә тейеш, тип билдәләне ҡала вице-мэры Сергей Кожевников.
Өфөлә яңы йыл каникулдары осоронда юғары әҙерлек режимы индерелә
Сергей Кожевников тәү сиратта балалар һәм ата-әсәләр йөрөгән яңы йыл майҙансыҡтарына иғтибар итергә, шулай уҡ ҡала халҡын электр уты, йылы, һыу һәм газ менән тәьмин итеүҙе контролдә тоторға ҡушты.
Икенсенән, һауа торошо. Белгестәр хәбәр итеүенсә, әлеге ваҡытта күрше Силәбе өлкәһендә күп итеп ҡар яуған. Өфөлә лә яуыуы ихтимал, шуға күрә һәр предприятие штаттан тыш хәлгә әҙер булырға тейеш, тип билдәләне комиссия.
Хәтерегеҙгә төшөрәбеҙ, Башҡортостанда яңы йыл каникулдары 10 көн — 30 декабрҙән 8 ғинуарға тиклем дауам итә.
