Башҡортостан Мәскәүҙә «Рәсәй» күргәҙмә-форумында үҙенең чемпиондары менән таныштыра

Бөгөн Башҡортостандың спорт министры Руслан Хәбибов хөкүмәттең оператив кәңәшмәһендә аҙналыҡта республикабыҙҙың билдәле спортсылары  — Тимур Сафин, Аделина Заһиҙуллина, Азалия Әминева, Эльбрус Ниғмәтуллин, Тамара Танһыҡҡужина, Айгөл Иҙрисова, Рима Баталова һәм башҡа чемпиондарҙың ҡатнашыуы хаҡында әйтте, тип хәбәр итте «Башинформ» мәғлүмәт агентлығы.

«Башҡортостандың «Спорт еңеүҙәренә 100 йыл» аҙналығына беҙ ҡыҙыҡлы программа әҙерләнек. Күргәҙмәлә Башҡортостан Республикаһының Олимпия мираҫын, клубтарҙы, командаларҙы күреп баһаларға, республика спортсылары, олимпия һәм паралимпия чемпиондары менән шәхсән танышырға мөмкин. Беҙ Башҡортостанда үҫешкән һанлы спорт төрҙәре менән таныштырабыҙ. Фиджитал спорт, спорт программалауы, дрондарҙа уҙыш, компьютер спорты. Йәштәр интерактив футбол һәм хоккей уйнарға, үҙҙәрен башҡа спорт төрҙәрендә һынап ҡарарға мөмкин», — тип билдәләне Руслан Хәбибов.

https://bash.bashinform.ru/news/sport/2024-01-09/bash-ortostan-m-sk-r-s-y-k-rg-m-forumynda-ene-chempiondary-men-n-tanyshtyra-3595945