+24 °С
Болотло
Йәмғиәт
19 Ғинуар 2024, 08:08
Башҡортостандың сигелгән картаһы – Мәскәү күргәҙмәһендә
Мәскәүҙә «Рәсәй» халыҡ-ара күргәҙмә-форумында ойошторолған Халыҡ ижады аҙналығында республика стенды Башҡортостандың сигелгән картаһы менән тулыланды. Республика оҫталарының ҡул эштәре килгән ҡунаҡтарҙа сикһеҙ һоҡланыу уятты. Быға ғәжәпләнәһе түгел. Сөнки картаның һәр биҙәген төрлө райондарҙың оҫталары сиккән, был уникаль ижади традицияларҙы ғына түгел, төйәгебеҙҙең тарихи үҙенсәлектәрен дә сағылдыра.
Башҡортостандың сигелгән картаһы – Мәскәү күргәҙмәһендә
Карта – тыуған яҡтың тарихы һәм гүзәллеге менән илһамланып башҡарылған һоҡланғыс ҡомартҡы. Уны эшләү өсөн оҫталар сәйлән, таҫма, күн, кейеҙ, ярымаҫылташтар, алтын һәм көмөш ептәр ҡулланған.
Республика халыҡ ижады үҙәгенең матбуғат хеҙмәте хәбәр итеүенсә, картаны сигеүҙә Башҡортостан баш ҡалаһынан һәм 28 районынан оҫталар ҡатнашҡан.
Мәскәүҙәге форумда Башҡортостан презентацияһы иң яҡшыларҙың береһе тип танылды.
