Башҡорт кейемендә башҡорт телендә!

Шул уҡ ваҡытта кейемдәре буйынса ла һоҡланырлыҡ һәм хәтерҙә ҡалырлыҡ һайлаусылар булған. Мәҫәлән, Стәрлетамаҡ күп профилле һөнәри колледжының башҡорт теле уҡытыусыһы, ҡала башҡорттары ҡоролтайы ағзаһы Гөлфиә Ноғоманова милли күлдәк кейеп килгән һайлау участкаһына.

“Был аҙымым ниндәйҙер хайп өсөн түгел, ә ошо сүрәттә килеү беҙҙең ил киләсәген билдәләү милли мәҙәниәт, милләт-ара татыулыҡ үҫешен дә күҙаллағанын иҫкә төшөргөм килде”, - тип белдерҙе уҡытыусы.

Әйткәндәй, Гөлфиә ханым бюллетенды ла башҡорт телендәгеһен һайлаған. Телебеҙ, мәҙәниәтебеҙ ошондай күренештәр аша ла күтәрелгәне һоҡландырғыс.