Гидроциклда йөрөгән ир йылға аша һуҙылған арҡанға эләгеп һәләк булған

«Кисә кис көнө Йоматауҙа өс ир-егет Дим йылғаһында гидроциклда йөрөп килергә булған. Ҡыҙғанысҡа ҡаршы, ял итеү фажиғә менән тамамланған. Алдан барған 55 йәшлек ир йылға аша һуҙылған тросты күрмәгән һәм эләгеп ҡалған. Ул шунда уҡ йән биргән», – тип белдерҙеләр ведомствола.

Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары ирҙе һыуҙан сығарған. Оператив-тикшереү эштәре алып барыла. Ваҡиға сәбәптәре асыҡлана.

https://bash.bashinform.ru/news/law/2024-05-29/bash-ortostanda-gidrotsiklda-y-r-g-n-ir-yyl-a-asha-u-yl-an-ar-an-a-el-gep-l-k-bul-an-3790065