Бөгөн 97 йәшлек Рәйсә Фазлый ҡыҙы Шәймәрҙәнова тауыш бирергә иң беренселәрҙән булып килде. Беҙ һеҙҙе көтәбеҙ, тигәнгә, һеҙ көткәс, мин дә килдем, тип, яғымлы яуап бирҙе ул. Хеҙмәт, Тыл ветераны, үҙ ғүмерендә кем генә булып эшләмәгән ул, бер эштән дә баш тартмаған. Мәктәптә лә, тимер юлында ла, заводта ла эшләргә тура килгән. "Ниндәй генә эш булмаһын-уның ояты юҡ" - ти ул. Эшсе ҡулдары ҡайҙа кәрәк булһа – шунда эшләгән ул. Оҙон ғүмерле оло инәйебеҙгә тормошҡа әүҙем позицияһы өсөн ихтирам һәм хөрмәт белдерәбеҙ!