+30 °С
Болотло
Йәмғиәт
18 Ноябрь 2024, 05:37
Стәрлетамаҡта колопроктология бүлеге асылды
1-се Ҡала клиник дауаханаһының тәүлек әйләнәһенә эшләгән стационар корпус базаһында 30 урынға иҫәпләнгән колопроктология бүлеге асылды. Ул барлыҡ заманса талаптарға һәм медицина ярҙамы күрһәтеү стандарттарына тап килә. Бүлектә даими рәүештә белемен камиллаштырып торған юғары квалификациялы белгестәр эшләй. Шулай уҡ һәйбәт ҡорамалдар бар, киләсәктә өҫтәмә йыһазландырыу күҙ уңында тотола. Стәрлетамаҡ медицина округының штаттан тыш баш колопроктологы Радик Ғәликәйев бүлек етәксеһе итеп тәғәйенләнде.
Стәрлетамаҡта колопроктология бүлеге асылды
Бүлекте асыу тантанаһында Рәсәй Һаулыҡ һаҡлау министрлығы Колопроктология буйынса милли медицина тикшеренеү үҙәгенең ғилми етәксеһе Юрий Шелыгин, Стәрлетамаҡ ҡала хакимиәте башлығы Эмиль Шәймәрҙәнов, Башҡортостан Республикаһы һаулыҡ һаҡлау министрының беренсе урынбаҫары Роберт Иштуҡов, дауахананың баш табибы Илшат Яппаров һәм башҡа мәртәбәле ҡунаҡтар ҡатнашты.
Стәрлетамаҡ ҡалаһында колопроктология бүлеген асыу, ҡала халҡы, шулай уҡ яҡын-тирәлә урынлашҡан ҡала һәм район халҡы өсөн ошо өлкәлә махсуслаштырылған медицина ярҙамы ҡулайлығын арттырыу мөмкинлеге бирә.
Мәғлүмәт һәм фото асыҡ сығанаҡтарҙан.
Стәрлетамаҡта колопроктология бүлеге асылды
