Ҡала башлығы кубогы фестивале нисек үткән?

Был сара йыл һайын үткәрелә. Быйыл тамаша залын көлдөрөр өсөн төрлө ҡалаларҙан шәп командалар килде: Өфө, Ырымбур, Силәбе, Һамар һәм Мәскәү. 12 команда көрәште. Улар араһында телевизион лигаларҙа, федераль каналдарҙың телепроекттарында ҡатнашҡандар бар.

Командадарҙың маҡсаты сәләмләү конкурсы аша үҙҙәренең иң яҡшы икәнлеген күрһәтеү булды. Ҡыҙҙар, малайҙар һәр ваҡыттағыса тырышып әҙерләнгән, шуға көс һынашыу еңел булманы. Улар ярышта үҙҙәрен бөтә яҡтан уңғанлыҡта, зирәклектә, тапҡырлыҡта һәм шаянлыҡта күрһәттеләр.

Илдә киҫкен ваҡиғалар барғанда шундай илһөйәр, шаян йәштәр булыуы бик ҡыуаныслы. КВН-ды бөтә халыҡ хупланы, ҡалабыҙ өсөн был оло мәртәбә.

Ярыш бик күңелле үтте. Командаларға баһа биреү, еңеүселәрҙе һайлау - ауырға тура килде. Уйын һөҙөмтәләре буйынса ҙур һәм бәләкәй башлыҡ Кубогы иғлан ителде. аҡсалата сертификаттар яулаусылар ҙа булда. Ҡатнашыусыларҙың барыһы ла диплом менән бүләкләнде.