+30 °С
Болотло
Йәмғиәт
4 Декабрь 2024, 05:02
Барыбыҙ ҙа фронт өсөн тырышабыҙ!
Ҙур рәхмәт һүҙҙәремде 2-се спорт мәктәбенең йөҙөү бүлегенә йөрөгән балаларға һәм уларҙың ата-әсәләренә еткергем килә. Етәксебеҙ А.Н.Живаев, профком рәйесе М.Г.Зәлилова, инструктор Г.Г.Бәхтейәрова менән һөйләшеп, махсус хәрби операцияла ҡатнашыусыларға гуманитар ярҙам ойошторорға булдыҡ, - ти 2-се спорт мәктәбе тренер-уҡытыусыһы Фәүзиә Ибраһимова. Тулыраҡ сайтта
Барыбыҙ ҙа фронт өсөн тырышабыҙ!
Ата-әсәләр чатына бәләкәй генә иғлан биргәс, улар был тәҡдимде дәррәү күтәреп алған. Балалар менән бергә, киләһе йылға арналған, хаттар һәм открыткалар яҙылған. Был хаттарҙы спортсылар яугирҙәребеҙҙең иҫән-һау әйләнеп ҡайтыуҙарын теләп һалған.
Ата-әсәләр тиҙ арала көндәлек кәрәк-яраҡтарҙы (теш щеткалары, ойоҡбаштар, материалдар, аҙыҡ-түлек, тушенка, балыҡ консервалары, кәбеҫтә, ҡуйыртылған һөт, тоҙло ҡыяр, кәнфит һәм сәй) йыйған. Абрамовтар ғаиләһе 4 биҙрә бал әҙерләп ебәргән. Бөтә йыйылған әйберҙәрҙе Музамилә Ғәлихан ҡыҙы, Нурия Минеғәли ҡыҙы йәшниктәргә һалып, әҙерләп ҡуйған.
Фәүзиә ИБРАҺИМОВА:
– Битараф булмаған ата-әсәләргә, хеҙмәткәрҙәргә, балаларға ҙур рәхмәтемде белдерәм! Изгелек ерҙә ятып ҡалмай. Берҙәм булайыҡ, бергә булайыҡ. Барыбыҙ ҙа фронт өсөн тырышабыҙ!
Гүзәл РӘМИЕВА,
Фәүзиә ИБРАҺИМОВА фотолары.
Барыбыҙ ҙа фронт өсөн тырышабыҙ!
