Йондоҙнамә (9 –15 декабрь)

Ылаҡ ( 22.12 – 20.01)

Ваҡиғаларға, кешеләргә ҡарата тәүге тәьҫораттарығыҙҙың хаталы булыуы ла бар. Һеҙҙең тирәләге хәлде аңлар өсөн бер аҙ ваҡыт кәрәгер. Кесе йома бигерәк тә уңышлы үтер.

Һыуғояр ( 21.01 – 19.02)

Һәр саҡ иғтибарлы булығыҙ. Иң яуаплы мәсьләләрҙе үҙ аллы хәл итһәгеҙ, отолмаҫһығыҙ. Янығыҙҙа күп һөйләгән, ләкин аҙ эшләгән кешеләр ҙә бар. Шаршамбыла үҙ мөмкинлектәрегеҙҙе дөрөҫ баһаларға тырышығыҙ.

Балыҡ ( 20.02 – 20.03)

Шишәмбелә эш урынында ниндәйҙер бәхәс килеп сығыуы ихтимал. Унан ҡотолоп булмаҫ, барыбер һеҙгә лә ҡатнашырға тура килер. Ҡайһы бер мәсьәләләрҙе шымарта алырһығыҙ, бәлки.

Ҡуҙы ( 21.03 – 20.04)

Аҙнаны файҙалы үткәрерһегеҙ. Һүҙегеҙ һәр саҡ үтемле булыр. Үҙегеҙгә ҡарата иғтибар артҡанын асыҡ тойорһоғоҙ. Кесе йомала һәйбәт яңылыҡтар ишетеүегеҙ мөмкин. Улар туранан-тура һеҙгә ҡағылыр.

Буға ( 21.04 – 21.05)

Ниндәйҙер күптән туҡтаған эшегеҙҙе дауам итергә форсат тейер. Был юлы бөтәһе лә яҡшы барыр. Яҡын араға сәфәргә лә сығырһығыҙ, бәлки.

Игеҙәктәр ( 22.05 – 21.06)

Шишәмбе арыуыраҡ килер – бер юлы ике-өс эш менән булышырһығыҙ. Тырышыуығыҙға ҡармаҫтан, уйлағанығыҙҙы тулыһынса башҡара алмаҫһығыҙ. Эштәрегеҙгә ҡыҫылырға теләүселәр ҙә табылыр.

Ҡыҫала ( 22.06 – 23.07)

Түҙемлерәк булығыҙ. Дүшәмбенән башлап һеҙҙең тирәлә ваҡиғалар яй барған һымаҡ тойолор. Әллә ни һиҙелерлек уңыштар ҙа көтөлмәй. Оҙаҡламай нисек эш итергә кәрәклеген аңларһығыҙ һәм барыһы ла яйланыр.

Арыҫлан ( 24.07 – 23.08)

Ҡәҙимгесә барған ваҡиғалар ағышы шишәмбелә боҙолор. Нисек кенә аҡланһағыҙ ҙа, ғәйеп үҙегеҙҙәлер. Эштәрегеҙҙе яйлар өсөн бер аҙ йүгерергә лә тура килер, бәлки. Был һеҙҙең өсөн һабаҡ булыр.

Ҡыҙ ( 24.08 – 23.09)

Бөтәһе лә һеҙ уйлағанса барыр. Шишәмбелә уйламаған кешенән ярҙам килер. Кесе йомалағы ваҡиғалар өҫтәмә мәшәҡәт тыуҙырыр. Шулай ҙа бер ниндәй ҙә юғалтыу булмаҫ.

Үлсәү ( 24.09 – 23.10)

Күптән күрмәгән кеше менән осрашырһығыҙ. Был икегеҙ өсөн дә файҙалы үтер. Бәғзеләр ниндәйҙер йәмәғәт сараһында ҡатнашыр. Унда иғтибарлыраҡ булыуығыҙ бик мөһим.

Саян ( 24.10 – 22.11)

Шишәмбелә көтөлмәгән хәлгә осрауығыҙ бар. Әллә ни ҙур ҡурҡыныс юҡ һымаҡ, борсолорға кәрәкмәҫ. Кемдер ниндәйҙер рәсми ҡағыҙҙарға бәйле эш менән булыр. Уның оҙаҡҡа һуҙылыуы ихтимал.

Уҡсы ( 23.11 – 21.12)

Аҙна араһында мәшәҡәттәр ҡәҙимгенән күбәйер. Башҡаларҙың йомоштары менән булышыу күп ваҡытығыҙҙы алыр. Бының өсөн бер кемдән дә рәхмәт көтмәгеҙ. Шуға ҡарамаҫтан, барыбер ҡәнәғәтлек кисерерһегеҙ.