+24 °С
Болотло
Йәмғиәт
12 Декабрь 2024, 08:53
Шыршыны дөрөҫ биҙәйбеҙ
🎄 Яңы йыл шыршыһы янып китмәһен өсөн уны йылытыу приборҙары һәм асыҡ ут сығанағы янына ҡуймағыҙ. Башҡортостан Республикаһының Ғәҙәттән тыш хәлдәр буйынса дәүләт комитеты (https://t.me/goskomitet_rb_po_chs) белгестәре янғын хәүефһеҙлегенең башҡа ҡағиҙәләрен дә иҫкә төшөрә.
Шыршыны дөрөҫ биҙәйбеҙ
▫️ Шыршыны ишектән мөмкин тиклем алыҫыраҡ урынлаштырығыҙ һәм уны ныҡлы беркетегеҙ, юғиһә, көтөлмәгән хәл килеп сыҡһа, ул эвакуацияға ҡамасаулаясаҡ.
▫️ Шыршыны обой йәбештерелгән һәм ҡорған эленгән стенаға яҡын ҡуймағыҙ.
▫️ Шыршы ботаҡтары розеткаларҙан алыҫ булырға тейеш.
▫️ Шыршыны шәмдәр менән биҙәмәгеҙ һәм уға тиҙ тоҡанып китә торған биҙәүестәр, мәҫәлән, ҡағыҙҙан эшләнгән ҡар бөртөктәре элмәгеҙ.
▫️ Биҙәү өсөн заводта етештерелгән электр гирляндалары ҡулланығыҙ.
▫️ Әгәр гирлянда сымдары йылынып осҡонланһа, ә лампочкалар тәбиғи булмаған рәүештә емелдәп торһа, уны кисекмәҫтән һүндерегеҙ.
▫️ Өйҙән сығып киткәндә йәки йоҡларға ятҡанда, гирляндаларҙы тоҡандырылған килеш ҡалдырмағыҙ.
▫️ Урамда биҙәү эштәрен башҡарғанда бина өсөн тәғәйенләнгән гирлянда һәм оҙайтыусы ҡоролмалар ҡулланмағыҙ.
📞 Янғын сыҡҡан осраҡта 112 һандары буйынса шылтыратығыҙ.
