Башҡорт телен нисек үҫтерергә?

"Бөтә донъя башҡорттар Ҡоролтайының VI сьезы бик уңышлы үтте. Башҡорт телен үҫтереү мәсьәләһе лә күтәрелде бында. Мәктәп йәшендәге балаларҙан, үҙеңдең ғаиләңдән башларға кәрәк. Әгәрҙә балаң менән туған телеңдә һөйләшмәйһең икән, тимәк уны башҡорт итеп тәрбиәләп булмаясаҡ. Шуның өсөн мәктәп, балалар баҡсаһы ғаилә менән бер рәттән эшләргә тейеш. Әгәрҙә баланың ата-әсәһе башҡорт телен белмәй икән, ярҙамға олатай-өләсәйҙәр ҡушыла. Ныҡлы мәсьәлә өҫтөндә бергәләп эшләйек! Башҡорт телен өйрәнәйек һәм өйрәтәйек!"