+20 °С
Болотло
Йәмғиәт
16 Декабрь 2024, 11:22
"Киров" паркы төҙөкләндерелә
Халыҡтан булған һорауҙарҙың ҡайһы берҙәре йәмәғәт урындарын төҙөкләндереүгә ҡағылды, республикала йыл да парктар яңыра, шул иҫәптән Стәрлетамаҡ ҡалаһында ла “Ашҡаҙар”, “Стәрле” йылғалары буйҙары, яңы ял итеү зоналары барлыҡҡа килде. Мәҫәлән, бөгөнгө көндә “Киров” паркында төҙөкләндереү эштәре бара. - Республикала йәмәғәт урындарына иғтибар арта, - тине Радий Хәбиров, “Тура бәйләнеш” ваҡытында төҙөкләндереүгә бик ҙур иғтибар бирелеүе хаҡында. - Халыҡ менән осрашыуҙар һәм фекер алышыуҙар ойошторабыҙ. Тәбиғәтте һаҡларға, шул уҡ ваҡытта парктарға, скверҙарға, халыҡ күпләп йыйылған урындарға яңы һулыш өрөргә тырышырбыҙ.
"Киров" паркы төҙөкләндерелә
Был хаҡта Стәрлетамаҡ ҡала хакимиәте башлығы Эмиль ШӘЙМӘРҘӘНОВ фекерен белдерҙе:
– Минеңсә, республика халҡы һорауҙарына аныҡ һәм тура яуаптар булды. Радий Фәрит улы Хәбировтың “Тура бәйләнеш”е һәр саҡ ошондай асыҡ форматта үтә, унда республикабыҙҙың төрлө төбәктәрендә йәшәүселәр ҙә, хәбәрселәр ҙә һорауҙар бирә ала.
Тура бәйләнештә, шулай уҡ, юл төҙөлөшө, йәмәғәт урындарын төҙөкләндереү, мәктәп туҡланыуына ҡағылышлы һорауҙар иғтибар үҙәгендә ҡала. Быларҙың барыһы ла муниципалитеттарҙың үҫешен билдәләй һәм кешеләр өсөн ошо мәсьәләләр ысынлап та бик мөһим.
Киров паркындағы төҙөкләндереү эштәре барышын тикшереп, бында фонтан тулыһынса алмаштырыласаҡ, шулай уҡ йәйәүлеләр юлдары, балалар майҙансығы һәм башҡа объекттар яңыртыласаҡ, тип әйтә алам.
Бөтә эштәр ҙә графикка ярашлы алып барыла. Сәғәт (Часовня) монтажланған.
Республика Башлығы менән халыҡ араһында диалог, һәр килгән һорауға иғтибарлылығы – кире бәйләнеш кенә түгел, ә ике яҡлап та ышаныс күрәһәтеү билдәһе ул.
