Стәрлетамаҡ ҡалаһы прокуратураһы насар һыуҙарҙы законһыҙ ағыҙыуҙы туҡтата

Күҙәтеү билдәләүенсә, ҡаланың энергия һаҡлаусы предприятиеһы, һыу объекттарын һаҡлау өлкәһендәге закон талаптарына ҡарамай. Таҙартылмаған ағынты һыуҙарҙы - Ольховка йылғаһына ағыҙып ебәрә, бынан тыш, предприятиела ағынты һыуҙарҙы таҙартыу приборҙары ҡуйылмаған.

Шулай уҡ предприятие етәкселеге объектты тирә-яҡ мөхиткә кире йоғонто яһаусы булараҡ иҫәпкә ҡуйыу бурысын үтәмәй.

тикшереү һөҙөмтәләре буйынса ҡала прокуратураһы энергия һаҡлаусы предприятие директорына ҡағиҙә боҙоуҙы бөтөрөү тураһында тәҡдим индерҙе. Предприятие директоры административ яуаплылыҡҡа тарттырылды, штраф 15000 һум.

Ҡала прокуроры урынбаҫары: Чиликин В.А.