Стәрлетамаҡ хакимиәте башлығы 9 йәшлек малайҙың хыялын тормошҡа ашырҙы

Стәрлетамаҡ ҡала хакимиәте башлығы Эмиль Шәймәрҙәнов йыл һайын үткәрелеүсе “Теләктәр шыршыһы” акцияһында ҡатнашты. Ул шыршынан туғыҙ йәшлек Артемдың хыялы яҙылған уйынсыҡты алды.

Ҡала башлығы Артемдың аҡыллы колонка тураһында хыялланыуын әйтте. Һәм, ниһайәт, малайҙың хыялы бойомға ашырылды ла.

“Беҙ “Теләктәр шыршыһы” тураһында биш йыл элек белдек. Тәүҙә ышанманыҡ. Теләкте яҙҙыҡ һәм бүләк алдыҡ. Ул ваҡытта улыбыҙ бөтөнләй бәләкәй ине, янғын һүндереү машинаһы бүләк иттеләр. Ә быйыл ысын мөғжизә булды. Улым күптәндән бирле уға ярҙам итһен өсөн “Алиса” станцияһы тураһында хыяллана ине”, - тип уртаҡлашты Артемдың әсәһе.

Фото: видеонан скриншот.