Башҡортостан мәғарифы тотороҡло үҫеш юлынан алға атлай

- 2024 йылда Стәрлетамаҡ ҡалаһының мәғариф системаһында уҡыу һәм тәрбиә эшмәкәрлеген, балаларҙың спорт ялын үҫтереүгә, өҫтәмә урындар индереүгә, хәүефһеҙ шарттар булдырыуға йүнәлтелгән бихисап саралар үткәрелде, - тине ҡала хакимиәте башлығы Эмиль Владиславович.

Шулай уҡ ағымдағы йылдың авгусында 7-се мәктәп эргәһендә спорт зал төҙөлөшө тамамланды, ә 1 сентябргә реконструкциянан һуң мәктәпкәсә төркөмдәр урынлаштырып, “1-се гимназия”ның 2-се корпусы асылды (элекке “Березка” профилакторийы).

- Башҡортостан Республикаһы Башлығы Радий Хәбировтың мәғариф системаһы тураһындағы хәстәрлеге ҙур хөрмәткә лайыҡ. «Мәктәпкәсә мәғариф системаларын модернизациялау» федераль программаһы эшләй башлағандан алып (2022 йылдан), Стәрлетамаҡ ҡалаһында 19, 29, 30-сы мәктәп биналары капиталь ремонтланды, бөгөнгө көнгә ҡарата 2024-2025 йылдарҙағы ике йыллыҡ цикл буйынса капиталь ремонт 1, 2, 16, 17-се мәктәптәрҙә һәм 1-се лицейҙа (1 корпус) алып барыла, - тип билдәләне Эмиль Шәймәрҙәнов һәм, тәү сиратта, мәктәптәрҙе капиталь ремонтлау буйынса федераль программаға туҡталып.