Яҡташтарыбыҙ "Батырлыҡ өсөн" миҙалы менән бүләкләнде

Эмиль Шәймәрҙәнов яҡташтарыбыҙ - Флюз Флюр улы Дилмөхәмәтовтың, Динар Дамир улы Исмәғилевтың һәм Радик Фәнис улы Бакиевтың туғандарына һәм яҡындарына “Батырлыҡ өсөн” миҙалдарын тапшырҙы. Яугирҙар махсус хәрби операция зонаһында хәрби бурыстарын үтәгәндә һәләк була.

Уларҙың батырлығы ҙур ихтирамға һәм рәхмәт һүҙҙәренә генә лайыҡ. Стәрлетамаҡ ҡыйыу яҡташтары менән ғорурлана һәм улар тураһында яҡты иҫтәлекте ҡәҙерләп һаҡлаясаҡ. Лайыҡлы уландар тербиәләгән өсөн уларҙың ата-әсәһенә мең рәхмәт. Ә Флүз, Динар һәм Радикка мәңгелек хәтер...

Мәғлүмәт - Эмиль Шәймәрҙәновтың сәхифәһенән.