Башҡортостанда математика уҡытыусыһы бер быуатлыҡ юбилейын билдәләне

Ғәфури районында йәшәүсе Иҙрис Вәлишин, һөнәре буйынса математик, бер үк ваҡытта ауыл хәбәрсеһе эше менән дә шөғөлләнгән, урындағы ваҡиғаларҙы яҡтыртып ҙур билдәлелек яулаған.
Күреү һәләте насарайыуға ҡарамаҫтан, Иҙрис Сәфи улы әле лә уҡыуын дауам итә, бының өсөн кеҫә лупаһын ҡуллана ул. Бала сағында Иҙрис Вәлишиндың ғаиләһендә мөхәббәт һәм ярҙам хөкөм һөрә. Атаһы үҙ өлгөһөндә балаларҙа эшһөйәрлек тәрбиәләй. Бына бит, һеҙ фотола күргән Иҙрис олатай хатта йөҙ йәшендә лә дәртле, шат күңелле булып ҡала. Ул шаяртырға һәм кәңәштәрен уртаҡлашырға ярата.
Уның улдары төрлө тормош юлдарын һайлаған: кесеһе ауыл хужалығы менән шөғөлләнә, ә өлкән ике улы атаһының хыялын тормошҡа ашыра, нефтсе булып китә. Иҙрис олатай тормош иптәше менән дә 71 йыл бергә йәшәй.