«Һеҙгә сәскә килтерҙеләр.Уны алыр өсөн СМС-кодты әйтегеҙ!» - ти мутлашыусылар...

«Һеҙгә сәскә килтерҙеләр. Уны һеҙҙең өйгә алып барыуҙы раҫлау өсөн СМС-кодты әйтегеҙ!» – мутлашыусылар үҙҙәрен бүләк алып барырға йыйынған курьер тип таныта.

Енәйәтсе, кешегә шылтыратып, уның исеменә посылка килгәнен хәбәр итә. Артабан уны өйгә килтереп биреүҙе йәки адресты раҫлау өсөн СМС-код һорай.

❗️ Кодты әйтһәгеҙ, мутлашыусылар шәхси мәғлүмәттәрегеҙҙе алып, мәҫәлән, «Госуслуги» аккаунтына йәки банктағы шәхси кабинетығыҙға инәсәк.

Иҫегеҙгә төшөрәбеҙ: сит кешеләргә, ул үҙен кем тип танытыуға ҡарамаҫтан, бер ниндәй код та әйтмәгеҙ.

#Аңлатабыҙ_Башҡортостан