Стәрлетамаҡта биш мәктәптең береһендә капиталь ремонт эштәре тамамланған

Стәрлетамаҡта биш дөйөм белем биреү учреждениеларының береһен “Мәктәп белем биреү системаларын модернизациялау” федераль программаһы буйынса капиталь ремонтлау тамамланып килә. Һүҙ 1-се мәктәп тураһында бара.

Стәрлетамаҡ ҡала хакимиәте башлығы Эмиль Шәймәрҙәнов һүҙҙәре буйынса, төп эштәр тамамланыуға яҡынлашып килә.

“1-се мәктәп медицина йүнәлеше менән, шуға күрә бында профилле предметтар буйынса белем алыу уңайлы һәм уңышлы булһын өсөн, бөтә шарттар ҙа булдырылған. Кабинеттар яҡты һәм заманса. Шулай уҡ һәр ҡатта дәрестәр араһында балалар ваҡыттарын файҙалы үткәрһен өсөн рекреацияһы зоналары ла ҡаралған”, - тине ҡала мэры.