Газондарҙа парковка тыйылған

Был тыйыуҙы үтәү яҙғы осорҙа айырыуса актуаль. Температураның күтәрелеүе ҡарҙың интенсив иреүенә һәм газондарҙың яланғаслығына килтерә. Уларҙа тупраҡ оҙаҡ ваҡыт йомшаҡ булып ҡала машинаны унда ҡуйыу һәм улар буйлап автомобилдә йөрөгәндә емерелә. Үләнгә һәм башҡа йәшел үҫемлектәргә лә төҙәлмәҫлек зыян килтерелә.

Стәрлетамаҡтың административ комиссияһына йәшелләндерелгән һәм башҡа биләмәләрҙә транспорт сараларын урынлаштырған өсөн водителдәрҙе яуаплылыҡҡа тарттырыу буйынса вәкәләттәр бирелде. Бындай факттар асыҡланған осраҡта, ғәйепле кешеләр БР Административ Хоҡуҡ боҙоуҙар Кодексының 6.21-се статьяһы буйынса административ яуаплылыҡҡа тарттырыла, граждандарға штраф һалына.

Административ комиссия бөтә граждандарҙы, юридик шәхестәрҙе һәм ҡала ҡунаҡтарын Башҡортостан Республикаһының административ хоҡуҡ боҙоуҙар тураһындағы кодексында ҡаралған нормаларҙы һәм төҙөкләндереү ҡағиҙәләрен үтәргә саҡыра. Шуны иҫтә тотоу мөһим: ҡаланың таҙалығы күп осраҡта тәртип мәҙәниәтенә бәйле. Сөнки барыһы ла йәшеллек, ағастар һәм сәскәләр күп булған ерҙә йәшәргә теләй.

Әгәр һеҙ административ хоҡуҡ боҙоуҙың шаһиты булһағыҙ, административ комиссияға электрон почта аша фото һәм/йәки видео менән ғариза яҙырға, административ хоҡуҡ боҙоуҙың датаһын, ваҡытын һәм урынын күрһәтергә кәрәк: adkstr@mail.ru. 

Административ комиссия мәғлүмәттәре буйынса