+30 °С
Болотло
Йәмғиәт
7 Апрель 2025, 11:27
Рәсәйҙең Оборона министрлығынан ҡаһарман яҡташыбыҙ тураһында хәбәр иттеләр
Йылайыр районынан махсус хәрби операция яугире, гвардия ефрейторы Павел Голубцов хәрби бурысын үтәгәндә ҡыйыулыҡ һәм профессионализм күрһәткән. Ул ВСУ-ның ике FPV-дронын атып төшөргән. Яҡташыбыҙҙың батырлығы тураһында Рәсәйҙең Оборона министрлығынан хәбәр иттеләр.
Рәсәйҙең Оборона министрлығынан ҡаһарман яҡташыбыҙ тураһында хәбәр иттеләр
Оборона ведомствоһы мәғлүмәттәре буйынса, Павел Голубцов фронт һыҙығына шәхси состав һәм боекомплект ташыған. Маршрут тамамланыуға бер нисә метр ҡалғас, уның автомобиле дошмандың дрон-камикадзелары һөжүменә дусар булған.
Водитель һауанан хәүеф янауын ваҡытында күреп ҡалған. Машинаны туҡтатып, иптәштәренә ағастар араһына йәшенергә ҡушҡан, ә үҙе автоматтан дошмандың пилотһыҙ аппараттарына ҡаршы ут асҡан. Башҡортостан яугире беренсе БПЛА-ны атып төшөргән. Икенсе «камикадзе»ны ла снайпер пуляһы юҡ иткән.
Павел Голубцов, күк йөҙөнөң таҙа булыуына инанғас, юлын дауам иткән һәм тейешле урынға иҫән-һау барып еткән. Һауа һөжүме ваҡытында яугирҙәрҙең береһе лә яраланмаған. Хәрби бурыс уңышлы үтәлде, тип билдәләнеләр оборона министрлығында.
Изге Ватанын һаҡлап хәрби хеҙмәткә яҙылырға теләүселәр тулыраҡ мәғлүмәт артынан 8 (927) 310 39-33; 8 (3473) 20-61-51 һандары буйынса мөрәжәғәт итә ала, Стәрлетамаҡ ҡалаһы һәм Стәрлетамаҡ районы буйынса хәрби комиссариат (Хоҙайбирҙин урамы, 118, 19-сы бүлмә).
