Халыҡ-ара форумда Башҡортостан Хәләл турмаршруттар тәҡдим итте.

- Башҡортостан республикаһы мосолман сәйәхәтселәре өсөн төрлө хәләл туристик маршруттар тәҡдим итә.

Хәләл ресторандар һәм кафелар, мәсет һәм ғибәҙәт бүлмәләре, шулай уҡ дини йолаларҙы үтәү өсөн уңайлы шарттар булдырыуға айырыуса иғтибар бүленә. Был йүнәлеште үҫтереү төбәктең ислам донъяһы менән иҡтисади бәйләнештәрен нығытыуға, шулай уҡ төбәктең туристик индустрияһын үҫтереү өсөн яңы мөмкинлектәр булдырыуға булышлыҡ итә, – тип билдәләне Башҡортостан Республикаһының эшҡыуарлыҡ һәм туризм министры Зөһрә Гордиенко.

Төбәгебеҙ мосолман сәйәхәтселәре өсөн уңайлы мөхит булдыра, уларҙы хәләл аҙыҡ менән тәьмин итә һәм ислам фестивалдәрен үҙ эсенә алған бай мәҙәни программа тәҡдим итә. Башҡортостанда туристарҙы төрлө маршруттар көтә, улар ҡунаҡтарҙы төбәктең бай мираҫы менән таныштыра, тәбиғәт мөғжизәләренән алып тарихи һәм мәҙәни хазиналарға тиклем. Программаға Тура хан һәм Хөсәйен бәк мавзолейы, «Суфия» һәм «Ләлә-Тюльпан» мәсеттәренә, Рәсәй мосолмандарҙы үҙәк диниә назараты мөфтөйө Тәлғәт Тажетдин резиденцияһына, Мөжәүир хәҙрәт мәсетенә һәм музейына, Нарыстау тауының изге сығанаҡтарына һәм «Әүлиә шишмәһе»нә барыу инә.

Халыҡ-ара бизнесҡа АЛГА Флагман Махсус иҡтисади зонаһында эшләүҙең уникаль перспективаларын ҡарарға тәҡдим ителде. Айырыуса иғтибар иҡтисади зонаның резиденттарына тейешле таможня льготаларына йүнәлтелде, йәшәүгә рөхсәт алыу шарттары ентекле аңлатылды һәм уңышлы сәнәғәт эшмәкәрлеге өсөн ҡиммәтле тәҡдимдәр бирелде.

Сығанаҡ: https://panoramarb.ru/news/%D1%80%D0%B5%D0%B3%D0%B8%D0%BE%D0%BD/2025-05-18/bashkortostan-predstavil-na-mezhdunarodnom-forume-halyalnye-turmarshruty-4240183