Дүрт мәктәпте капиталь ремонтлау тамамланып килә

Стәрлетамаҡта федераль программа буйынса мәктәптәрҙе капиталь ремонтлау дауам итә. Бөгөнгө көндә эштәр 1-се лицейҙа һәм 17-се, 16-сы һәм 2-се мәктәптәрҙә башҡарыла.

Стәрлетамаҡ ҡала хакимиәте башлығы Эмиль Шәймәрҙәнов белдереүенсә, әлеге ваҡытта мәктәптәрҙең әҙерлеге 95 процент тәшкил итә. Биналар эсендә штукатур-буяу эштәре ҡалған.

“1-се лицейҙа, 17-се һәм 2-се мәктәптәрҙә инженер коммуникацияларын, көсһөҙ токлы системаларҙы ремонтлау, 16-сы мәктәптә вентиляция системаһын ремонтлау тамамланып килә. Шулай уҡ, 17-се мәктәптә инеү төркөмдәрен ремонтлау буйынса эштәрҙе тамамларға, бөгөн линолеум һәм иҙән плиткаһы һалыу буйынса эшләнгән иҫкәрмәләрҙе тамамларға кәрәк. Мебель һәм ҡорамалдар һатып алынған да инде", - тине был хаҡта Эмиль Владиславович.

Сығанаҡ.