+20 °С
Болотло
Йәмғиәт
15 Июль 2025, 05:09
Һыу инеү миҙгеленең хәүефһеҙлеге контролдә тотола
Һыу инеү миҙгеле башланыу менән Стәрлетамаҡта һыу ятҡылыҡтарында хәүефһеҙлек контроле көсәйтелде. Көн һайын "Граждандарҙы яҡлау идаралығы" МБУ хеҙмәткәрҙәре Рәсәй Эске эштәр министрлығының Стәрлетамаҡ ҡалаһы буйынса идаралығы һәм Ғәҙәттән тыш хәлдәр министрлығы вәкилдәре менән берлектә иҫкәртеү рейдтары үткәрә.
Һыу инеү миҙгеленең хәүефһеҙлеге контролдә тотола
Саралар барышында ял итеүселәргә һыуҙа үҙ-үҙеңде тотоу ҡағиҙәләре тураһында иҫкәртәләр, төп хәүефһеҙлек саралары менән иҫкәрмәләр тараталар. Айырыуса һыу инеү өсөн тәғәйенләнмәгән урындарға иғтибар бирелә, унда ваҡиғалар хәүефе айырыуса юғары.
Һыу инеү ваҡытында үҙеңде нисек һаҡларға:
- һыу инеү өсөн махсус әҙерләнгән урындарҙы - йыһазландырылған пляждарҙы һайларға кәрәк;
- оҙаҡ ваҡыт ҡояшта булғас, шунда уҡ һыуға һикерергә ярамай;
- уңайлы һыу инеү өсөн һыу температураһының 18 градустан түбән булмауын иҫтә тотоу мөһим;
- тәүге тапҡыр һыуға инеү биш минуттан да артмаҫҡа тейеш;
- һыу төбөнөң тәрәнлеген һәм торошон белмәһәгеҙ, һыуға инмәү яҡшыраҡ;
- әгәр спиртлы эсемлектәр эскән булһағыҙ, һыуға инергә ярамай, сөнки иҫерек килеш һыу инеү ғүмер өсөн хәүефле;
- боролоштарға яҡын йөҙөргә ярамай-был да хәүефле.
Һыу объекттарында ошо ябай хәүефһеҙлек ҡағиҙәләрен үтәп, һеҙ балағыҙҙың ғүмерен һәм үҙ ғүмерегеҙҙе һаҡлай алаһығыҙ.
"Граждандарҙы яҡлау идаралығы" МБУ мәғлүмәттәре буйынса
Һыу инеү миҙгеленең хәүефһеҙлеге контролдә тотола
