Мутлашыусылар Башҡортостанда йәшәүсене торлаҡһыҙ ҡалдырған: ир вафат булдған

Төбәк күҙәтеү ведомствоһының матбуғат хеҙмәтенән хәбәр итеүҙәренсә, 2023 йылдың декабренән 2024 йылдың апреленә тиклем ҡатын-ҡыҙ ойошҡан төркөм составында, уға тағы ла ике енәйәтсе ингән, мутлыҡ ҡылған. Ул эпилепсиянан яфаланған һәм алкоголле эсемлектәр менән мауығып йөрөгән танышы менән аралаша башлай, Уның милкендә Нефтекамала 2,9 миллион һумлыҡ фатирҙың 5/6 өлөшө була.
Ҡатнашыусылар ирҙе икенсе торлаҡ бинаға алып китә, унда ғәйепләнеүсе улар менән бергә йәшәгән булған, ирҙе алкоголь менән тәьмин итә һәм туғандары менән аралашыуҙан мәхрүм итә. Ышаныслы мөнәсәбәттәргә инеп, улар, күсемһеҙ милек объектын дөйөм ятаҡтағы бүлмәгә файҙалы алмаштырыу һәм аҡса рәүешендә өҫтәмә түләү һылтауы менән, законһыҙ рәүештә фатирҙағы өлөшкә милек хоҡуғын һатып ала. Зыян күреүсегә айырыуса ҙур күләмдә матди зыян килтерелә, ул торлаҡ бинаға хоҡуғынан мәхрүм ителә. Былтыр май айында ир вафат булған. Енәйәт эше асылы буйынса ҡарау өсөн Нефтекама ҡала судына ебәреләсәк. Енәйәттә ҡатнашыусыларға ҡарата материалдар айырым производствоға бүленгән.

Сығанаҡ: Башинформ