“Батырға ла ял кәрәк” тип республика журналистары һабантуйға йыйылды

Сара программаһында бик күп ҡыҙыҡлы конкурстар һәм спорт саралары уҙғарылды. Уйын өлөшө программаһы ике этапҡа бүленде. Беренсеһе – традицион халыҡ уйындары, унда теләгән һәр кем ҡатнаша алды: көршәк ватыу, тәңкә эҙләү, гер күтәреү. Икенсе этап команда эстафетаһы булды, ул ҡалаҡта йомортҡа менән йүгереүҙе, тоҡсайҙа һикереүҙе, арҡан тартышыуҙы һәм хатта ат сабыштарын үҙ эсенә алды.

Бынан тыш, ҡатнашыусылар өсөн ҡиммәтле бүләктәр менән башҡа мауыҡтырғыс: иң яҡшы балыҡсы һәм “Тәмле” кулинар конкурстары ла үткәрелде. Бер һүҙ менән әйткәндә, уйындарҙа һәр ҡунаҡ үҙен күрһәтә алды.

Матбуғат һәм киң мәғлүмәт саралары агентлығы етәксеһе урынбаҫары Марат Ғәзизов һүҙҙәренсә, “Журналистар һабантуйы” – ул әүҙем ял ғына түгел, профессиональ үҫеш өсөн уникаль мөмкинлек тә.

Арямнова Елена Анатольевна – Башҡортостан Республикаһының матбуғат һәм киң мәғлүмәт саралары агентлығы етәксеһенең беренсе урынбаҫарынан һәм “Башҡортостан Республикаһы “Нәшриәт йорто” АЙ генераль директоры Зөлфиә Рәхмәтуллинанан киң мәғлүмәт саралары хеҙмәткәрҙәренә айырым рәхмәт һүҙҙәре еткерҙе.

Фестиваль сиктәрендә БР журналистар Союзы рәйесе Вәдут Исхаҡов ғүмерен матбуғатты үҫтереүгә арнаған журналистарға маҡтау ҡағыҙҙарын тапшырҙы.

Профессиональ конкурстарҙан алып спорт алыштарына тиклем район-ара ижади берләшмәләр командалары бөтә ярыштарҙа ла үҙҙәрен сағыу күрһәтте. Һабантуй йәнә шуны раҫланы: Башҡортостан журналистикаһы – көслө, ижади һәм битараф булмаған профессионалдар берләшмәһе. Уларҙың энергияһы һәм берҙәмлеге берләшмәләрҙә күҙҙәренән осҡон сәсеп торған кешеләр эшләүен иҫбатлай, улар өсөн журналистика ысын мәғәнәлә – бар булмышы.

– Бындай осрашыуҙар – ял итеү генә түгел, шулай уҡ белемде камиллаштырыу, илһам алыу өсөн бик һәйбәт мөмкинлек булып тора, – ти “Ашҡаҙар” гәзите бүлеге мөдире Әлфиә Марат ҡыҙы Мансурова. – Үҙ ҡала-райондарыбыҙҙы лайыҡлы күрһәтеү генә түгел, коллегаларыбыҙҙың тәжрибәһен дә үҙләштерә алыуыбыҙға шатбыҙ. 2011 йылдан алып уҙғарылған һабантуй Башҡортостан медиасыларының профессиональ үҫеше һәм рәсми булмаған аралашыу өсөн төп майҙансыҡ булып ҡала.

Гүзәл РӘМИЕВА.