Башҡортостанда шихандарҙан тюбингта шыуыу тыйылды

Башҡортостанда йәшәүселәр Торатау итәгендә тюбингта шыуырға яйлашып алған. Ҡышҡы көнө күптәрҙең яратҡан уйыны «Торатау» геопаркы етәкселеген борсоуға һала. 

«Торатау – үҙенсәлекле тәбиғәт ҡомартҡыһы, саф һауала йөрөү һәм фотосессиялар өсөн шәп урын. Әммә тау битләүҙәре йыһазландырылған спорт трассаһы түгел», — тип иҫкәртте етәкселек.

Торатауҙа ташҡа, ағастарға барып бәрелергә мөмкин.

«Яҡындағы махсус әҙерләнгән трасса «Ҡуштау» тау саңғыһы үҙәгендә урынлашҡан. Унда хәүефһеҙ һәм уңайлы ял итеү өсөн бөтә шарттар булдырылған», — тип иҫкә төшөрҙөләр геопаркта.

Башинформ.