Күрмәй ҡалмағыҙ!

Һәр кем ғәзиз балаһының никахта бәхетле булыуын теләй. Кәләш алмай йөрөгән улдары Булаттың буйҙаҡ тормошона сик ҡуйыр өсөн, ата-әсәһе уны өйләндерергә ҡарар итеп, димсегә мөрәжәғәт итә. Баҫҡан ерендә ут сәсрәтеп торған димсе Сара һәр кемгә тиң йәр табып бирә ала. 30-ға етеп барған Булатҡа ул ауылдан әрһеҙ, ҡыйыу, тәүәккәл “ҡарт” ҡыҙ Мадоннаны димләй.

Барыһы ла яҡшы булыр кеүек, тик көтөлмәгән ваҡиғалар барыһын да башынан алып аҙағына тиклем үҙгәртергә мәжбүр итә - туй булмаҫҡа тейеш! Ниңә, ни өсөн? Спектакль геройҙары бергәләп был буталсыҡ хәлдән сығыу юлдарын эҙләй.

Шаяртыуҙарға, йыр-моңға, дәртле бейеүҙәргә ҡоролған спектакль барыһын да әсир итәсәк! Күрмәй ҡалмағыҙ!

Тамаша 25 февралдә 19.00 сәғәттә Стәрлетамаҡ ҡалаһы, Ленин проспекты, 30В адресы буйынса үтәсәк.