МХО яугирҙәре заманса идара итеү технологияларын өйрәнә

Башҡортостанда республика Башлығы Радий Хәбировтың башланғысы буйынса эшләй башлаған «Башҡортостан геройҙары» кадрҙар программаһы буйынса уҡытыу дауам итә. Проект махсус хәрби операцияла ҡатнашыусыларға заманса идара итеү һәләтен алырға һәм үҙ хәрби тәжрибәһен төбәк мәнфәғәте өсөн эштә ҡулланырға ярҙам итә.

Беренсе модуль йәй көнө «Патриот» хәрби-патриотик паркында үтте. Ҡатнашыусылар лекциялар тыңланы, тренингтарҙа ҡатнашты, команда эштәрен башҡарҙы, эксперттар һәм власть органдары етәкселәре менән осрашты. Һәр ҡатнашыусыға министрҙар, муниципалитет башлыҡтары һәм ҙур компания етәкселәре иҫәбенән остаз беркетелде. Радий Хәбиров ҡатнашыусылар менән аралашты һәм «Остаз көнө»ндә ҡатнашты.

Икенсе модуль иҡтисадҡа һәм финанстарға – төбәк иҡтисадын ҡороуға, биләмәләрҙе үҫтереү механизмдарына, ресурстар менән идара итеүгә арналған. Августан октябргә тиклем тыңлаусылар министрлыҡтарҙа, муниципалитеттарҙа, ойошмаларҙа һәм республика менән идара итеү үҙәгендә стажировка үтте.

Өсөнсө модуль төбәк һәм муниципаль идаралыҡҡа, социаль һәм йәштәр сәйәсәтенә арналды.

Дүртенсе модулдең төп темаһы – заманса идара итеү технологиялары һәм яһалма интеллект. Сарала ҡатнашыусылар һанлы ҡоралдарҙың дәүләт һәм муниципаль идара итеүҙе нисек үҙгәртеүен, ҡарарҙар ҡабул итеү өсөн ҙур мәғлүмәттәрҙе нисек файҙаланыуҙы, көндәлек процестарҙы автоматлаштырыуҙы һәм яһалма зиһенде социаль өлкәгә, иҡтисадҡа һәм торлаҡ-коммуналь хужалыҡҡа индереүҙе беләсәк.

Ошо белем ярҙамында улар киләсәктә граждандар хеҙмәтендә ҡуйылған бурыстарҙы һөҙөмтәлерәк үтәй аласаҡ.

Ринат Рәзәпов фотоһы. 

Беҙҙең МАХ-тағы каналға ҡушылығыҙ: https://max.ru/ashkadarstr