Үзбәкстан менән дөйөм проект

Рәсәй һәм Үзбәкстан президенттары Владимир Путин һәм Шәүҡәт Мирзыяев республикала интеграцияланған атом электр станцияһының беренсе энергоблогын видеоэлемтә аша төҙөүгә старт бирҙе.

Интеграцияланған электр станцияһын булдырыу — Рәсәй һәм Үзбәкстандың флагман проекты. Ул үҙенсәлекле, сөнки бер майҙансыҡта тәүге тапҡыр ҙур һәм бәләкәй ҡеүәтле АЭС төҙөләсәк. Станция Үзбәкстандың Джизак өлкәһендә урынлашасаҡ.

“Беренсе бетон”ды реактор бинаһы нигеҙенә ҡойоу объекттың Атом энергияһы буйынса халыҡ-ара агентлығы (МАГАТЭ) стандарттары буйынса төҙөлөп ятҡан атом электр станцияһы статусына күсеүен аңлата.