+16 °С
Ясно
Йәмғиәт
24 Августа , 11:35
Радий Хәбиров махсус хәрби операцияла ҡатнашыусыларға наградалар тапшырҙы
Башҡортостан башлығы Радий Хәбиров хәрби бурысын үтәгәндә батырлыҡ һәм ҡыйыулыҡ күрһәткән МХО яугирҙәрен бүләкләү тураһында указға ҡул ҡуйҙы. Ике яҡташыбыҙ генерал Шайморатов орденына һәм миҙалына лайыҡ булды.
Радий Хәбиров махсус хәрби операцияла ҡатнашыусыларға наградалар тапшырҙы
Рәсәй Федерацияһы Оборона министрлығының танк батальонын тәьмин итеү взводының хужалыҡ бүлексәһе командиры Павел Пстыга генерал Шайморатов ордены менән бүләкләнде. Сержант МХО башланғанға тиклем Башҡортостан Республикаһы хөкүмәте аппараты хеҙмәткәре ине.
Рәсәй Федерацияһы Оборона министрлығының Алмаз Сафин исемендәге 3-сө мотоуҡсылар батальонының бүлексә командиры Рим Әмирханов генерал Шайморатов миҙалына лайыҡ булды.
Яҡташтарыбыҙ хөкүмәттең оператив кәңәшмәһе барышында бүләкләнде.
- Мин һеҙҙең ҡаһарманлығығыҙ тураһында уҡыйым, һоҡланам, – тип билдәләне Радий Хәбиров. – Икеһе лә Геройыбыҙ исемен йөрөткән Алмаз Сафин исемендәге батальонда хеҙмәт итә.
