Владимир Мокшин иҫтәлегенә турнир

Турнир яҡташыбыҙ, Стәрлетамаҡ физик культура техникумы студенты, махсус хәрби операция барышында хеҙмәт бурысын үтәгәндә һәләк булған кесе сержант Мокшин Владимир Геннадьевич иҫтәлегенә арналды.

Турнирҙа республиканың профессиональ белем биреү ойошмаларының һигеҙ командаһы: Стәрлетамаҡ ҡалаһының уҡыусылар йыйылма; Башҡортостан физик культура институты колледжы; Стәрлетамаҡ физик культура, идара итеү һәм сервис колледжы; Салауат индустриаль колледжы; Октябрьский нефть колледжы; Стәрлетамаҡ күп профилле профессиональ колледжы; Стәрлетамаҡ политехник колледжы; Стәрлетамаҡ төҙөлөш һәм профессиональ технологиялар колледжы ҡатнашты.

Майҙанда ярышсылар ғына осрашмай был ғәҙел көрәштә спорт дәрте күберәк урын биләй. Унда - геройҙың иҫтәлегенә лайыҡлы булыу ынтылышы сағыла. Владимир техникумда үткән тормош мәктәбе көслө, намыҫлы, ҡыйыу балалар тәрбиәләүен иҫбатлау теләге ул.

Владимир Геннадьевич тураһында иҫтәлек-ул ҡайғы ғына түгел. Был ғорурлыҡ. Был миҫал. Был - киләсәк өсөн яуаплылыҡ!

Турнирҙа шулай уҡ почетлы ҡунаҡтар ҙа ҡатнашты. Стәрлетамаҡ ҡалаһы хакимиәте башлығы урынбаҫары Михаил Григорьев, Афғанстанда хәрби хәрәкәттәр ветераны Игорь Феоктистов, Стәрлетамаҡ ҡалаһының мәғариф бүлеге методисы Александр Суздаль, «Ашҡаҙар» гәзитенең баш мөхәррире Рәмил Мансуров, Стәрлетамаҡ ҡалаһы «Набат» Хәрби хәрәкәттәрҙә ҡатнашыусылар Союзы рәйесе Илдус Мәнәпов һ.б.

Турнирҙы асып, ҡала хакимиәте башлығы урынбаҫары Михаил Григорьев ҡатнашыусыларҙы ҡала хакимиәте исеменән һәм шәхсән үҙе сәләмләне. Михаил Васильевич техникум етәкселегенә ихлас рәхмәт белдерҙе. “Яугир тураһында иҫтәлек уны хәтерләгәндә тере буласаҡ”, - тине ул, сығышын тамамлап. – “Ошондай турнирҙар үткәргән арала Владимир беҙҙең хәтеребеҙҙе мәңге йәшәйәсәк әле”.

Был турнир һәр кемде хәтерләткән яҡшы традицияға әүерелде: ысын характер яланда ғына түгел, ә тормошта ла тикшерелә яҡлауға баҫырға, ярҙам итергә, һынатмаҫҡа әҙер.

Геройҙ тураһында хәтер - мәңгелек. Уның тарихы йәш спортсыларҙы лайыҡлы эштәргә һәм ҙур еңеүҙәргә илһамландырһын – спортта ғына түгел, Тыуған илгә хеҙмәт итеүҙә лә.

Ә.Мансурова һәм Сергей Крамсков фотолары.