АТ МЕНӘН ЙӨРӨ

Быйыл был турнирҙа 30 мәктәп ҡатнашыу теләген белдергән, коман-далар составында 124 уҡыусы көс һынашты. Бындай ҙур күләмдә үткән сара ике көн дауамында барҙы. 1-се һәм 2-се урындарға дәғүә итеүсе командаларҙы билдәләүе еңелдән булманы. Быйыл беренсе урынды 1-се гимназия шахматсылары алды, ә турнирҙың былтырғы еңеүселәре – 1-се лицей командаһы – быйыл икенсе булды. Өсөнсө урынға иһә бер юлы 7-8 команда көрәште, әммә 11-се мәктәп был көсөргәнештә көслөрәк булып сыҡты. Ә һайлап алыу турында еңеү яулаған 1-се гимназия командаһы республика турнирында ҡатнашасаҡ. Әйткәндәй, быйыл был турнир Стәрлетамаҡта үтә.

Турнирҙы ойоштороусылар 35-се мәктәп директоры Рафаэль Түлегәновҡа, 2-се балалар спорт мәк-тәбе уҡытыусылары, ярыштың төп судьяһы Андрей Бережнев һәм секретары Рафиҡ Ибраҡовҡа ярҙам күрһәткәндәре өсөн ҙур рәхмәт тә белдереп үтте.

Эльдар ФӘТТӘХОВ.