+2 °С
Болотло
Бөтә яңылыҡтар
10
Спорт
25 Декабрь 2019, 14:00
Республика рапирасылары Рәсәй кубогында бөтә алтын миҙалдарҙы яуланы
Фехтование буйынса Рәсәй кубогында Башҡортостан командаһы составында Тимур Арыҫланов, Искәндәр Әхмәтов, Тимур Сафин һәм Асҡар Хәмзин сығыш яһаны.
Турнирҙың төп осрашыуында Башҡортостан һәм Мәскәү йыйылмаһы бер-береһенә ҡаршы сыҡты. Биш секунд үткәс тә шәхси ярыштар еңеүсеһе Тимур Арыҫланов иҫәпте асты һәм беренсе алыш беҙҙең спортсылар файҙаһына 5:1 иҫәбе менән тамамланды. Ләкин икенсе алышта мәскәүҙәр алға сыҡты – 10:7. Ләкин өс тапҡыр рәттән еңеү өфөләргә иҫәпте тигеҙләүҙән тыш, алыштың икенсе яртыһына һәйбәт нигеҙ һалырға мөмкинлек бирҙе.
Осрашыуҙа команда лидерҙары ҡатнашҡан алтынсы алыш барыһын да хәл итте. Башҡортостан рапирасылары 45:35 иҫәбе менән еңеү яуланы.
БСТ.
Читайте нас:
