+20 °С
Болотло
Спорт
24 Март 2022, 06:05
ГАГАРИН КУБОГЫ ЕҢЕҮҘӘРГӘ ЮЛ АСҺЫН
«Стәрлетамаҡ-Арена» боҙ һарайына Континенталь хоккей лигаһының төп трофейы – Гагарин Кубогы килтерелде. Илебеҙҙә хоккейсылар өсөн иң ҙур еңеүҙе билдәләүсе кубокты һәр кем күрә алды.Шуныһы мөһим, ҡалабыҙға 2011 йылда Салауат Юлаев хоккей командаһы составында Гагарин кубогын яулаусы- Виталий Прошкин һәм Игорь Григоренко ла килде. Билдәле уйынсылар автографтар таратты, урындағы “Орлан” хоккей командаһы уйынсылары менән аралашты.
Кубокты тантаналы урынлаштырыу сараһынан һуң теләүселәр фото төштө. Ә Виталий Прошкин менән Игорь Григоренко боҙҙа йәш уйынсыларға оҫталыҡ дәресен ойошторҙо. Йәш сәкән һуғыусыларыбыҙға ла был еңеү еле әләгеп ҡалһын һәм яҡташтарыбыҙ ҙа ҙур еңеүҙәр алып ҡайтып торһондар.
