Ашҡаҙар
-13 °С
Болотло
Бөтә яңылыҡтар
Спорт
7 Сентябрь 2023, 12:05

Эшендә лә, спорт та ла – алдынғы…

Өфөлә үткән халыҡ-ара марафонда Стәрлетамаҡ табибы 1-се урын яулаған.

1-се ҡала клиник дауаханаһының  перинаталь үҙәге мөдире Радик Латипов 42 километрлыҡ дистанцияла  2:39-16 һөҙөмтәһе менән беренсе килгән.

- Был ысын мәғәнәһендә  спорт байрамы, фекерҙәштәр, спортсылар, ғөмүмән  Башҡортостан Республикаһында йәшәүселәр һәм ҡунаҡтар менән осрашыу булды, - ти Радик Зинур улы.

 Көҙҙөң беренсе йәкшәмбеһендә Өфөлә халыҡ-ара марафон үткәреү матур йолаға әйләнде. Быйыл был сарала 26 илдән һәм Рәсәйҙең 200 ҡалаһынан килгән 7 меңдән ашыу кеше ҡатнашты. Стәрлетамаҡ табибының беренсе булыуы – ҡалабыҙ өсөн дә, Башҡортостан өсөн дә ҙур мәртәбә ул!

Римма ҒӘЛИМОВА.

Фото: 1-се клиник дауахана сайтынан алынды.

Эшендә лә, спорт та ла – алдынғы…
Эшендә лә, спорт та ла – алдынғы…
Автор:Римма Галимова
Читайте нас в